Forum Forum - www.szalency.de Strona Główna Forum - www.szalency.de
Trza sie ino zarejestrowac, nic nie kosztuje i nie boli
 
 FAQFAQ   SzukajSzukaj   UżytkownicyUżytkownicy   GrupyGrupy   GalerieGalerie   RejestracjaRejestracja 
 ProfilProfil   Zaloguj się, by sprawdzić wiadomościZaloguj się, by sprawdzić wiadomości   ZalogujZaloguj 

Kino i ... cug

 
Napisz nowy temat   Odpowiedz do tematu    Forum Forum - www.szalency.de Strona Główna -> Pol zartym pol serio
Zobacz poprzedni temat :: Zobacz następny temat  
Autor Wiadomość
Ojgyn z Pnioków




Dołączył: 25 Lis 2009
Posty: 4
Przeczytał: 0 tematów

Ostrzeżeń: 0/5
Skąd: Chorzów

PostWysłany: Sob 11:23, 27 Mar 2010    Temat postu: Kino i ... cug

Fto to tyż terôzki jesce do kina łajzi? Kiejsik mieli my we Chorzowie śtyry abo i piyńć kinów i jô toch poradziół chnet kôżdydziyń do nich deptać. A terôzki? A terôzki to mi sie blank niy kce ze chałpy wylazować. Byli tyó i wicne fale ze kinym skuplowane.
Trefiół rółz kiejsik Zeflik swojigo kamrata Bercika na naszyj Krojcce.
– Jezderkusie! Bercik, po jakiymu ty terôzki ustołeś przilazować do roboty? Bómlujesz i bómlujesz a łostatka wiy widać.
– Nó, dzisz Zeflik, jô kôżdydziyń deptóm ... do kina.
– Co ty fandzolisz? Ciyngiym, kôżdydziyń lejziesz do kina? Niy gôdej?
– A dyć we kóżdydziyń. Jô już tyn film widziôł siedymnôście razy we tyj „Panoramie” a jô fórt chodza, fórt deptóm... I byda jesce deptôł do inkszych jesce lajchtszpiltyjatrów kaj tyn fylm bydzie puszczany niyskorzij!
– Co żeś ty jaki? Cyś ty blank łogup. Wdycki na tyn sóm fylm pyndalujesz?
– Anó, toć, sztyjc na tyn sóm fylm? – łodpedziôł Bercik.
– A co tym tam takigo widzisz?
– Tóż suchej ino! Tam ci na tym filmie jes tako gryfnô dziołcha, kierô sie seblyko blank do saga, niy mô już na sia cycynhaltra i już, już, chnet mô ściepnóńć jesce te batki a tu ... łorôzki wjyżdżô ci pierónym dugi cug i blank już nic niy idzie do łostatka ujzdrzić!!!
– Nó tóż, co byś ty jesce kciôł uwidzieć? – pytô sie Zeflik.
– Nó, dzisz Zefel, to jes tak. Przeca tyn pieróński cug – jak to zawdy samtukej we Polsce – wiyrza, iże chocia rółz sie zniyskorzi, chocia rół niy przijedzie tak jak mô przijechać ...


Post został pochwalony 0 razy
Powrót do góry
Zobacz profil autora
Wyświetl posty z ostatnich:   
Napisz nowy temat   Odpowiedz do tematu    Forum Forum - www.szalency.de Strona Główna -> Pol zartym pol serio Wszystkie czasy w strefie EET (Europa)
Strona 1 z 1

 
Skocz do:  
Nie możesz pisać nowych tematów
Nie możesz odpowiadać w tematach
Nie możesz zmieniać swoich postów
Nie możesz usuwać swoich postów
Nie możesz głosować w ankietach

fora.pl - załóż własne forum dyskusyjne za darmo
Powered by phpBB © 2001, 2005 phpBB Group
Regulamin