Forum - www.szalency.de

DAN

LYŃ

Na szezlągu siedzi lyń
Nic nie robi cołki dziyń,

- O nie godejcie, ze jo nic nie robia !

A kto siedzi na kanapie
i sie drapie po szłapie ?
A kto zjod dwa kołoczki,
co je dostoł łod ciotki Moniki ?
A kto dzisioj ze szlojdra szczyloł ?
A kto bombony z tytki wybiyroł ?
- No i co, to wszystko to je nic ?

Na szyzlagu siedzi lyń
Nic nie robi cołki dziyń,

- Wyboczcie,

A nie jodłech wodzionki ?
A nie ukroiłech se wyndzonki ?
A nie uciyrołech dzis kichola ?
A nie przezywołech gorola ?

- No i co, to zas je nic ?

Nie boł we szkole, bo mu się nie chciało,
Nie łodrobiuł zadanio, bo czasu mioł za mało.
Nie zawiązoł szpotloków łod szczewików, bo ni mioł ochoty,
Nie pedzioł "Szczynść Boże", bo za dużo z tym roboty.
Nie wykludziił Azorka, bo mysloł, że to zrobi starka.
Nie ciepnoł gołymbiom kaszy, bo stoła na bifyju w taszy.
Mioł zjeść wieczerza, ino gymbom mlasnął,
Mioł sie legnąć, nie zdążył - zasnął.
Śniło mu sie, że na grubie robioł,
Łobudzioł sie i w gowa zachodzioł
Czy łon sie doprowdy tak ciynżko narobioł ?