Forum Forum - www.szalency.de Strona Główna Forum - www.szalency.de
Trza sie ino zarejestrowac, nic nie kosztuje i nie boli
 
 FAQFAQ   SzukajSzukaj   UżytkownicyUżytkownicy   GrupyGrupy   GalerieGalerie   RejestracjaRejestracja 
 ProfilProfil   Zaloguj się, by sprawdzić wiadomościZaloguj się, by sprawdzić wiadomości   ZalogujZaloguj 

Opowiadanie - " G " jak Gorno-slonsko godka

 
Napisz nowy temat   Odpowiedz do tematu    Forum Forum - www.szalency.de Strona Główna -> Bojanów
Zobacz poprzedni temat :: Zobacz następny temat  
Autor Wiadomość
BOJAN




Dołączył: 31 Mar 2008
Posty: 1207
Przeczytał: 0 tematów

Pomógł: 6 razy
Ostrzeżeń: 0/5
Skąd: Bojanow / Kriegsbach

PostWysłany: Śro 17:13, 02 Kwi 2008    Temat postu: Opowiadanie - " G " jak Gorno-slonsko godka

[link widoczny dla zalogowanych]



" G " jak Gorno-slonsko godka

Latos w Grudniu w gromniczno obchodzyl jo swoj 50 geburtstag, Abrachama ! Goscina byla pieronowo,a wiela gosci ! I tak sprobuja tych wszyskich powymjyniac co byli na mojym geburtstakfajerze.

- Gerda z Gilbertym z Gamowa
-Gerad z Gitom z Grzegorzowic
-Grazyna ze swojym Galanym . Z tym glacokym , co bez zima z golom glowom loce
-Gregor Grzegorczyk z Gizelom od Golombka
-Grzegosz tyn gorol z Gniezna,abo z Gdynie,abo Gdanska,nie wjym gynal
-Gynek z gruby z Gliwic,abo jak se pjyrwe godalo Gleiwitz
-Gustaw Glombik z Gross Peterwitz
-Gadatliwo Gynia Gawelkula,co mo wlosy czorne jak gutalin
-Grzesiu ze swojom galankom
-Gajdeczka z tom grubom od Goriwody z Glubczyc
-Gluchi Gacka
-Gabryjel
-Gorus
-gruby Gusia
-tyn Gali co se co chwila na muzyce wali
-Ginter z Nimjec,kery przed tym garbusym jezdzyl,a dzisiej mo golfa
-Gerlinda Goczalk z Görlitz,co tez do Rajchu na stale wyjechala
-Gryjta co juz je trocha grau
-Gawliczek co mo maly pu...k ( pulowerek )
-Gustlik co mo go jak maly worsztlik
-Gorecki ze swojom gupiom Goskom
-Grabowski tyn kery dycki Greka udowo,bo je czorny jak gawrona
-Gajda co mu Gumilejzonk godajom z tom swojom pjynknom,kero je chudo jak glizda
-tyn Gonska co mu Gonsior godajom
-czerwony Gawlina co mo na karku malina
-Gancarka ze swojym grubjorzym i jeji siostra z tym gliniorzym
-Grzesiczek co mu Grzesio godajom
-Grzesik
-Gwozdz
-Grud tyn grubjosz co dycki na karta G kupowol
-tyn jedyn co mu Gewiter godajom i tyn drugi co mu Glajza godajom
-Ta od Gocmanna z tom pjyknom grziwom
-Glasmannka Genowefa co ji Wefa godajom a pochodzi z Grodczanek
-tyn z tym wielkim nocholym co mu Gonzo godajom
-tyn Gromodka co mo godka jak serwotka
-tyn Gapa co dycki na gapa jezdzyl
-ja i tyn co se tak dycki gapi i glocuje

Na goscinie ludzi bylo do pierona,ani se ich nie do porachowac w gorsci.Wszyscy byli elegancko odwalyni. We fajnych garniturach,niedzielnych galotach,niekjerzi mjeli tesz golfy obleczone.A na garderobje wisialo tela mantli,ze ta garderoba se uginala choby galons z gruszki.
Kozdy z mojich gosci przinys jakis geszynk fajnie owinyty w geszynkpapjyr.Wszyscy mi gratulowali.Alles Gute i 100 lot winszowali.No a wjela puketow jo dostol.Z gerberow,z gladjouli,z gusipampek,z gozdzikow przistrojonych gipsowkom,fajny gruszpon ze szlajfkawi.Ach bylo tela tego,ze szkoda godac !
A wiela bylo jedzynio.Pylne gorki,no i szmakowalo ganz gut.Jednym slowym genialnie ! Wszyskego ale nie byda wymjyniol,bo to juz tak ganz gynal nie pamjyntom.To co se jeszcze poradza spomniec to tak byla:
-gyns pieczono z galeczkami
-gulasz z grzibami
-golonko z grila
-grochowka z grachamkami
-golombki w galarecie
-galyrt z kopytek
-grecki gyros
-te italjynske galeczki co se na nie godo gnoczi
Do picia tesz bylo w pierony.Gorzolka my mjyszali ze sokym z gruszek,godom wom.Szlo palce oblizywac.Niekjerzi robjyli z grejfruta gorzke mjyszanki i pjyli ze szklanki.Inksi mjeli zas szmak na miodowego Krupnioka do kerego przigryzali kwasne ogorki z glinioka.A niekerzi zolodkowo gorzko z glaski walyli asz se przewrocyli.Niekjerzi tesz walyli z gwinta,a potym wyglondali jak prosynta.A dzieci modro grapa popijali i jynzyki farbowali i se z tych ozralcow nabijali.Wszyscy my se tak siedzieli do gromady,popijali,gawyndowali i godali.Jake to byly dobre czasy za Gomulki,jak nie bylo ani bolki.Jako to bylo za Gerka,jak nie bylo ani cukerka.Jako to bylo za Gerymka,jak my stoli w kolejkach zeby se kupic szynka.Ja i o Genszerze i Gerhardzie Szryderze,ja i o Gorbaczowie i o gorolach na grubie w Pszowie.Gynek godol o swojich golymbiach we golymbniku,jake one som dycki glodne i jak ich grochym futruje,na loty szykuje i ich gowna pucuje.Gisela godala jak zaklodala gardiny w antryju i jak ji gardinsztanga spadla i dostala po ryju.Potym wywalyla jom na gora,kupjyla se nowo i przykryncyla jom do mura.Ginter godol o gorach i gorkach i o Gewoncie,a Glajza do niego ach skonczcie ,skonczcie.Gregor i Gabryjel grali glosno na gitarze i na gajdze i spjywali o syberyske Tajdze.Grzesiu godol ganc gramatycznie,ale to mu nie wychodzi dyc tyn pieron nie pochodzi z Lodzi.Glodno Gita co mo grube kita zaglondala yny do gorka,bo ona chce byc aktorka.Od grudnia chodzi na gimnastyka i chce pokozac jako z ni bydzie motyka.Guzik z galot zapnie bez problymu i pojedzie do RFN-nu.Tam se bydom wszyscy na nia glocen,gapic.Take to je zycie dejcie se co napic. Prost !

Wjycie naroz zrobjyla se gorko atmosfera.Chlopy walyly gorzola z gwinta.Cos se swjyncylo.Zaglondom a tu Ginter dzierzy se gelyndra,Gynek styrko graca do gymby i szuko swojego gebisa,ale bylo jusz za nieskoro bo jego gebis wylondowol w guliku.Mozne to byla wina tego golonka z grila,co czabylo grysc jak guma asz se gebis gnyl.

Wjycie i naroz glosne larmo bylo.Tyn gupielok Gali.Goscie ucichli. Haja !
Tyn gospodorz co dycki w guminiokach loce podpod za swoj wyglond.Gwizdej z tond godol do niygo Gali i nie grisuj mje,bo jak Ci gruchna to zaros glebniesz glowom w gleba.Na to gospodorz jak jo Ci grzmotna tymi grabjami to Ci se gewiter zrobi w glowie i bydziesz miec tako grucza jak gruszka.Gali se gorszyl i godol.Ty gizdzie gizdawy,ta Twoja gupio godka nie poradza juz sluchac i czolo mom ganz gorke. Chyba miol goronczka.Jeszcze mu podobroci godol.Gipko grzyj z tond czimjonc gasnica za gryf.Bo zaros bydzie gorac.A wtedy nie bydziesz poradzyl ani grysku pogrysc i wszysko Ci w gardle zostanie tyczec.Do bujki nie doszlo,bo przijechaly gliny swojim gazikym.Wzyni tych dwoch i kozali im dmuchac,bo oba byli na gazie.Ja i wzyni ich i wsadzyli za gitra na Gliwicko.
Na drugi dzyn bylo wszysko w gazecie.Tako ganba ! Tela gupie gotki !

Musza powjedziec,ze po te geburtstagowe fajerce w glowach nom szumjalo.Choby giter zugi jechaly po glajzach.Jo se czul chobych se giftu na myszy nazrol.Zgaga tak polyla ze zech chyba ze trzi giskany wody wylepol.


Post został pochwalony 0 razy

Ostatnio zmieniony przez BOJAN dnia Pon 16:59, 24 Sty 2011, w całości zmieniany 4 razy
Powrót do góry
Zobacz profil autora
Wyświetl posty z ostatnich:   
Napisz nowy temat   Odpowiedz do tematu    Forum Forum - www.szalency.de Strona Główna -> Bojanów Wszystkie czasy w strefie EET (Europa)
Strona 1 z 1

 
Skocz do:  
Nie możesz pisać nowych tematów
Nie możesz odpowiadać w tematach
Nie możesz zmieniać swoich postów
Nie możesz usuwać swoich postów
Nie możesz głosować w ankietach

fora.pl - załóż własne forum dyskusyjne za darmo
Powered by phpBB © 2001, 2005 phpBB Group
Regulamin